ਲ਼ਬੁ ਪਾਪੁ ਦੁਇ ਰਾਜਾ ਮਹਤਾ ਕੂੜ ਹੋਆ ਸਿਕਦਾਰੁ॥
ਕਾਮੁ ਨੇਬੁ ਸਦਿ ਪੁਛੀਐ ਬਹਿ ਬਹਿ ਕਰੁ ਬੀਚਾਰੁ॥
ਅੰਧੀ ਰਯਤਿ ਗਿਆਨ ਵਿਹੂਣੀ ਭਾਹਿ ਭਰੇ ਮੁਰਦਾਰੁ॥
(
ਗੁ.ਗ੍ੰ.ਸਾ., ਅੰਕ : 468-69)

04/24/2018
ਸਾਲ-8, ਅੰਕ-44.


 

 

 

 

 

ਸਾਲ-8, ਅੰਕ-44, 24ਅਪਰੈਲ,2018,11ਵੈਸਾਖ,ਨਾ.ਸੰ.550.

ਗੁਰੂ ਅਰਜਨ ਦੇਵ ਜੀ ਦੀ ਸ਼ਹਾਦਤ

ਇਤਿਹਾਸ ਮੁੜ ਲਿੱਖਣ ਦਾ ਆਰ.ਐਸ.ਐਸ. ਨੂੰ ਕੋਈ ਹੱਕ ਨਹੀਂ: ਜੀ.ਕੇ.

ਭਾਈਚਾਰੇ ਨੂੰ ਡਰਾਉਣ ਵਾਲੇ ਕਾਂਗਰਸ ਨੂੰ ਮੋੜੀ ਗਈ ਭਾਜੀ ਚੇਤੇ ਰੱਖਣ

ਸਿੱਖਾਂ ਦੇ 5ਵੇਂ ਗੁਰੂ ਅਰਜਨ ਦੇਵ ਜੀ ਦੀ ਸ਼ਹਾਦਤ ਬਾਰੇ ਰਾਸ਼ਟਰੀ ਸਵੈਂ ਸੇਵਕ ਸੰਘ ਵੱਲੋਂ ਖੋਜ ਕਰਕੇ ਇਤਿਹਾਸ ਮੁੜ ਲਿਖਣ ਦਾ ਕੀਤਾ ਗਿਆ ਐਲਾਨ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਰਾਸ ਨਹੀਂ ਆਇਆ। ਕਮੇਟੀ ਪ੍ਰਧਾਨ ਸ. ਮਨਜੀਤ ਸਿੰਘ ਜੀ.ਕੇ. ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਚੇਤਾਵਨੀ ਭਰੇ ਲਹਿਜੇ ਚ ਸਾਫ਼ ਕਿਹਾ ਕਿ ਸਿੱਖ ਕਦੇ ਵੀ ਬਰਦਾਸ਼ਤ ਨਹੀਂ ਕਰਨਗੇ, ਕਿ ਆਰ.ਐਸ.ਐਸ. ਸਿੱਖਾਂ ਦਾ ਇਤਿਹਾਸ ਲਿੱਖੇ।

ਦਰਅਸਲ ਆਰ.ਐਸ.ਐਸ. ਦੇ ਸਹਿਯੋਗੀ ਸੰਗਠਨ ਅਖਿਲ ਭਾਰਤੀ ਇਤਿਹਾਸ ਸੰਕਲਨ ਯੋਜਨਾ ਨੇ ਗੁਰੂ ਅਰਜਨ ਦੇਵ ਜੀ ਵੱਲੋਂ ਭਾਰਤੀ ਸੰਸਕ੍ਰਿਤੀ ਨੂੰ ਬਚਾਉਣ ਅਤੇ ਉਭਾਰਣ ਵਾਸਤੇ ਦਿੱਤੇ ਗਏ ਯੋਗਦਾਨ ਵਿਸ਼ੇ ਤੇ ਬੀਤੇ ਦਿਨੀਂ ਦਿੱਲੀ ਵਿਖੇ ਸੈਮੀਨਾਰ ਕਰਵਾਇਆ ਸੀ ਜਿਸ ਚ ਗੁਰੂ ਸਾਹਿਬ ਦੇ ਇਤਿਹਾਸ ਨੂੰ ਭਾਰਤੀ ਸੰਸਕ੍ਰਿਤੀ ਅਨੁਸਾਰ ਮੁੜ੍ਹ ਤੋਂ ਲਿੱਖਣ ਦਾ ਐਲਾਨ ਕੀਤਾ ਗਿਆ ਸੀ।

ਜੀ.ਕੇ. ਨੇ ਕਿਹਾ ਕਿ ਆਰ.ਐਸ.ਐਸ. ਨੂੰ ਸਿੱਖ ਇਤਿਹਾਸ ਲਿੱਖਣ ਦੀ ਇਜਾਜਤ ਨਹੀਂ ਦਿੱਤੀ ਜਾ ਸਕਦੀ ਅਤੇ ਨਾ ਹੀ ਆਰ.ਐਸ.ਐਸ. ਦਾ ਸਿੱਖ ਇਤਿਹਾਸ ਨੂੰ ਮੁੜ ਲਿੱਖਣ ਦਾ ਹੱਕ ਬਣਦਾ ਹੈ। ਸਾਡੇ ਕੋਲ ਸਿੱਖ ਵਿਦਵਾਨ, ਸ਼੍ਰੋਮਣੀ ਕਮੇਟੀ, ਦਿੱਲੀ ਕਮੇਟੀ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਿੱਖ ਇਤਿਹਾਸ ਨੂੰ ਲਿੱਖਣ ਬਾਰੇ ਅਧਿਕਾਰਿਕ ਹੱਕ ਰੱਖਦੇ ਹਨ। ਇਹਨਾਂ ਦੀ ਮੋਹਰ ਤੋਂ ਬਿਨਾਂ ਸਿੱਖ ਇਤਿਹਾਸ ਦੇ ਕਿਸੇ ਹਿੱਸੇ ਨੂੰ ਪ੍ਰਮਾਣਿਤ ਨਹੀਂ ਕੀਤਾ ਜਾ ਸਕਦਾ।

ਜੀ.ਕੇ. ਨੇ ਸਿੱਖ ਇਤਿਹਾਸ ਨੂੰ ਮਿਥਿਆਸ ਬਣਾਉਣ ਦੀ ਕੋਝੀ ਚਾਲਾਂ ਚਲਣ ਵਾਲੇ ਲੋਕਾਂ ਤੋਂ ਕੌਮ ਨੂੰ ਸਾਵਧਾਨ ਕਰਦੇ ਹੋਏ ਦੱਸਿਆ ਕਿ ਗਦਰੀ ਬਾਬਿਆਂ ਵੱਲੋਂ ਆਜ਼ਾਦੀ ਦੀ ਲੜਾਈ ਦੌਰਾਨ ਚਲਾਈ ਗਈ ਮੁਹਿੰਮ ਨੂੰ ਇਸ ਕਰਕੇ ਹੀ ਕਈ ਵਾਰ ਖੱਬੇਪੱਖੀ ਵਿਚਾਰਧਾਰਾ ਨਾਲ ਜੋੜਿਆ ਜਾਂਦਾ ਰਿਹਾ ਹੈ। ਕਦੇ ਸਿੱਖ ਕੌਮ ਦੇ ਮਹਾਨ ਸ਼ਹੀਦਾਂ ਭਾਈ ਮਤੀ ਦਾਸ ਅਤੇ ਬਾਬਾ ਬੰਦਾ ਸਿੰਘ ਬਹਾਦਰ ਨੂੰ ਉਹਨਾਂ ਦੇ ਪੁਰਾਣੇ ਪਿਛੋਕੜ ਨਾਲ ਜੋੜ ਕੇ ਸਿੱਖ ਦੱਸਣ ਤੋਂ ਪਾਸਾ ਵਟਣ ਦੀ ਕੋਸ਼ਿਸ਼ ਵੀ ਕਈ ਵਾਰ ਹੋਈ ਹੈ। ਸ਼ਹੀਦੇ ਆਜ਼ਮ ਭਗਤ ਸਿੰਘ ਨੂੰ ਵੀ ਸਿੱਖ ਦੱਸਣ ਦੀ ਥਾਂ ਗੈਰ ਸਿੱਖ ਵਜੋਂ ਨਾਸਤਿਕ ਵਿਚਾਰਧਾਰਾ ਦੇ ਧਾਰਣੀ ਵੱਜੋਂ ਪ੍ਰਚਾਰਿਆ ਜਾਂਦਾ ਹੈ।

ਪੱਤਰਕਾਰਾਂ ਵੱਲੋਂ ਦੇਸ਼ ਦੇ ਘੱਟਗਿਣਤੀ ਭਾਈਚਾਰੇ ਚ ਪਾਏ ਜਾ ਰਹੇ ਡਰ ਦੇ ਮਾਹੌਲ ਬਾਰੇ ਪੁੱਛੇ ਗਏ ਸਵਾਲ ਦਾ ਜਵਾਬ ਦਿੰਦੇ ਹੋਏ ਜੀ.ਕੇ. ਨੇ ਕਿਹਾ ਕਿ ਜੇਕਰ ਸਰਕਾਰ ਅਤੇ ਉਸਦੇ ਸਾਥੀ ਸੰਗਠਨ ਕੋਈ ਕੋਝੀ ਹਰਕਤ ਕਰਦੇ ਹਨ ਤਾਂ ਇਹ ਘੱਟਗਿਣਤੀ ਕੌਮਾਂ ਨੂੰ ਕਿਸੇ ਹੋਰ ਦਿਸ਼ਾ ਵੱਲ ਤੋਰਨ ਦਾ ਮਾਧਿਅਮ ਬਣਨਗੇ। ਇਸ ਸਬੰਧੀ ਉਹਨਾਂ ਨੇ ਕਾਂਗਰਸ ਵੱਲੋਂ ਸਿੱਖਾਂ ਨਾਲ 1980-90 ਦੇ ਦਹਾਕੇ ਚ ਲਏ ਗਏ ਪੰਗੇ ਉਪਰੰਤ ਸਿੱਖਾਂ ਵੱਲੋਂ ਮੋੜੀ ਗਈ ਭਾਜੀ ਨੂੰ ਚੇਤੇ ਰੱਖਣ ਦੀ ਵੀ ਨਸੀਹਤ ਦਿੱਤੀ।

 

 
 

ਜ.ਜੱਸਾ ਸਿੰਘ ਆਹਲੂਵਾਲੀਆ

ਜਨਮ ਸ਼ਤਾਬਦੀ

ਨਗਰ ਕੀਰਤਨ

 

ਜਥੇਦਾਰ ਜੱਸਾ ਸਿੰਘ ਆਹਲੂਵਾਲੀਆ ਦਾ ਸਮੁੱਚਾ ਜੀਵਨ ਗੁਰਮਤਿ ਸਿਧਾਂਤਾਂ, ਪਰੰਪਰਾਵਾਂ, ਮਾਨਤਾਵਾਂ ਅਤੇ ਸੰਸਥਾਵਾਂ ਨੂੰ ਸਮਰਪਿਤ ਰਿਹਾ ਹੈਉਹਨਾਂ ਨੇ ਗੁਰੂ ਘਰ ਦੀ ਸੇਵਾ ਕਰ ਕੇ ਬਾਦਸ਼ਾਹੀ ਪਰਾਪਤ ਕੀਤੀ ਅਤੇ ਮੀਰੀ ਪੀਰੀ ਦੇ ਸਿਧਾਂਤ ਉਤੇ ਪਹਿਰਾ ਦਿੰਦਿਆਂ ਜੀਵਨ ਬਿਤਾਇਆ ਅਤੇ ਸੇਵਾ ਕਰਦਿਆਂ ਹੀ ਇਸ ਸੰਸਾਰ ਨੂੰ ਅਲਵਿਦਾ ਕਹੀ।

ਉਹਨਾਂ ਦੀ ਤੀਸਰੀ ਜਨਮ ਸ਼ਤਾਬਦੀ 3-4ਮਈ, 2018 ਨੂੰ ਮਨਾਈ ਜਾ ਰਹੀ ਹੈ। ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੂਸਰੀਆਂ ਸਿੱਖ ਸੰਸਥਾਵਾਂ ਦੇ ਸਹਿਯੋਗ ਨਾਲ ਉਹਨਾਂ ਦੇ ਜਨਮ ਦਿਨ ਨੂੰ ਧੂਮ ਧਾਮ ਨਾਲ ਮਨਾ ਰਹੀ ਹੈ ਅਤੇ ਇਸ ਲਈ ਅਨੇਕਾਂ ਪਰੋਗਰਾਮ ਉਲੀਕੇ ਗਏ ਹਨ। ਉਹਨਾਂ ਨੂੰ ਸਮਰਪਿਤ ਇਕ ਨਗਰ ਕੀਰਤਨ ਅਕਾਸ ਤਖਤ ਸਾਹਿਬ, ਜਿਸ ਦੇ ਉਹ ਜਥੇਦਾਰ ਰਹੇ ਸਨ, ਤੋਂ 22 ਅਪਰੈਲ ਤੋਣ ਸਜਾਇਆ ਗਿਆ ਹੈ। ਪੰਜਾਬ, ਹਰਿਆਣਾ ਅਤੇ ਦਿੱਲੀ ਦੇ ਵੱਖ ਵੱਖ ਇਲਾਕਿਆ ਤੋ. ਗੁਜਰਦਾ ਹੋਇਆ ਇਹ ਨਗਰ ਕੀਰਤਨ 26 ਅਪਰੈਲ ਨੂੰ ਗੁਰਦੁਆਰਾ ਸੀਸ ਗੰਜ ਸਾਹਿਬ ਜਾ ਕੇ ਸਮਾਪਤ ਹੋਇਗਾ।

ਅੱਜ ਇਹ ਨਗਰ ਕੀਰਤਨ ਸਿਰੀ ਫਤਹਿਗੜ ਸਾਹਿਬ (ਸਰਹਿੰਦ) ਤੋਂ ਸ਼ੁਰੂ ਹੋ ਕੇ  ਮਾਧੋਪੁਰ, ਖਰੋੜਾ, ਚੋਰਵਾਲਾ ਰੁੜਕੀ, ਨੌ-ਲੱਖਾ, ਜਖਵਾਲੀ, ਗੁਨੀਆਂ ਮਾਜਰਾ, ਮਾਲਾ ਹੇੜੀ, ਬਾਗੜੀਆਂ, ਨੰਦਪੁਰ ਕੇਸੋਂ, ਫੰਗਣ ਮਾਜਰਾ, ਕਸਿਆਣਾ, ਹਰਦਾਸਪਿਰ, ਮਾਜਰੀ ਅਕਾਲੀਆਂ, ਬਾਰਨ, ਹੁਸਨਪੁਰਾ, ਝਿੱਲ਼, ਤਰਿਪੜੀ, ਗੁ.ਦੂਖ ਨਿਵਾਰਨ ਸਾਹਿਬ  ਦੇ ਰਸਤੇ ਗੁਰਦੁਆਰਾ ਸਾਹਿਬ ਮੋਤੀ ਬਾਗ ਵਿਖੇ ਸਮਾਪਤ ਹੋਇਗਾ।

ਸਿੱਖ ਸੰਗਤਾਂ ਨੂੰ ਬੇਨਤੀ ਹੈ ਕਿ ਉਹ ਨਗਰ ਕੀਰਤਨ ਦਾ ਵੱਧ ਚੜ ਕੇ ਸੁਆਗਤ ਕਰਨ ਅਤੇ ਜਿਥੋਂ ਤਕ ਸੰਭਵ ਹੋ ਸਕੇ, ਇਸ ਦਾ ਹਿੱਸਾ ਬਨਣ। ਇਹ ਦੇਸ਼ ਅਤੇ ਕੌਮ ਲਈ ਜੀਵਨ ਵਾਰਨ ਵਾਲਿਆਂ ਦਾ ਤੁਹਾਡੇ ਵਲੋਂ ਸਨਮਾਨ ਹੈ।